Tuesday, October 29, 2013

Photo: Gkrish Photography

മഷിയൊഴിഞ്ഞ പേനയുമായി
അലയുമ്പോഴാണ്
ജീവിതം മുഴുവൻ
തൂവാൻ മഷിയെഴുതിയ
നിന്റെ കണ്ണുകളിലുടക്കിയത് .....




Photo Courtesy : "She " - Gkris  photography  

Wednesday, October 23, 2013

ഈ നാല് ചുവരുകൾക്കുള്ളിൽ 
ഞാനെന്റെ മൌനത്തെ ചങ്ങലക്കിടുന്നു. 
( ചങ്ങലക്കും ഭ്രാന്ത് പകര്ന്നു 
മൂർചിക്കും വരെക്കെയ്ങ്കിലും.... )


നിനക്കായി എഴുതി വച്ചവയത്രയും 
കനലെരിച്ച നേരം ഉയിർതെഴുന്നെറ്റതീ 
നീല ശലഭങ്ങൾ . 
നിഴൽ  മാത്രം വഴി തെളിക്കും  
നിന്റെ കൂട്ടിൽ ഒളിച്ചു വയ്ക്കുകയിവയെ.
( ചിറകടിക്കാതെ , ഇമയനക്കാതെ , ഉയിരുലക്കാതെ....)


ഒടുവിലീ  ചങ്ങല കണ്ണികളും 
അറുത്തെന്റെ  മൌനം പതഞ്ഞൊഴുകുന്ന നാൾ 
തുറന്നു വിട്ടേയ്ക്കയെൻ  നീല ശലഭങ്ങളെ ... 
( അതിരില്ലാത്ത ആകാശത്തേക്ക് , 
നിലയില്ലാത്ത ഒഴുക്കിലേക്ക്, 
ആഴമറിയാത്ത ഹൃദയത്തിലേക്ക് ...)

Saturday, October 5, 2013

ഏറെയില്ലെങ്കിലും 
ഭാരം തന്നെയാണ്   
നിന്റെ ഓർമ്മകൾ ,
പെയ്യുന്നില്ലെങ്കിലും 
മഞ്ഞു തന്നെയാണ് 
നിന്റെ വാക്കുകൾ, 
നേരമില്ലെങ്കിലും 
നോവ്‌ തന്നെയാണ് 
നമ്മുടെ പ്രണയവും