Tuesday, January 20, 2015

ഒരു കള്ളനസ്രാണിയെ കാണുന്നില്ല !!!

കുറെ കാലമായി ഒളിവിലായിരുന്നു തമാശക്കാരൻ ....

കഴിഞ്ഞ ആഴ്ച 
ആരും ഇല്ലാത്ത നേരത്ത് വന്നിരുന്നു 
ആരും കണ്ടിട്ടില്ല...
പക്ഷെ അടയാളങ്ങൾ എനിക്ക് മനസിലാകണ്ടിരിക്ക്യോ ?
തിരഞ്ഞു തിരഞ്ഞു ചെന്നപ്പോ 
ഒരു കഥയുടെ തുണ്ടും തുരുമ്പും ദാ  കെടക്കുണൂ...
മുഴോനും ല്ല്യാത്ത ആ കഥയെ കണ്ടപ്പോ സങ്കടായി .


എടൊ കള്ളനസ്രാണീ ...
എവിട്യെലും ഇരുന്ന് എപ്പഴേലും ഇത് വായിക്കാണേൽ 
അറിയൂ ....
നിങ്ങടെ കള്ളകഥകൾ കേട്ട് 
കണ്ണും മിഴിച്ചിരുന്ന,
പൊട്ടി ചിരിച്ചിരുന്ന  
 ഒരു കുട്ടിയുണ്ടായിരുന്നു ഈ ലോകത്ത് ....

Saturday, January 17, 2015

ഞാന്‍ നിലയ്ക്കുന്നിടത്തു നിന്നാണ്
നീ ഒഴുകിത്തുടങ്ങുന്നത് .
എന്റെ കൊഴിഞ്ഞ തൂ വലുകളിലെ കാറ്റാണ്
നിന്നെ നയിക്കുന്നത്  .
എന്റെയുള്ളിലെ ഇനിയും കെടാത്ത
വെളിച്ചത്തിലാണ് നിന്റെ വഴി
തെളിയുന്നത് .
എന്നില്‍ നിന്നാണ് നീ മുളയ്ക്കുന്നത്.
ഒടുവില്‍
എന്നില്‍ തന്നെയാണ് നീ
വന്നടിയുന്നതും....

Thursday, January 8, 2015




And I know the meaning of silence.,
even better than you...
How it will haunt
each and every seconds of life..
How you will cursed with
its heaviness.
How it will wreathe your soul
and swallow as a serpent.
Coz I'm the one who is
cursed with your silence.
I'm the one who is
wounded by love.

Monday, January 5, 2015

എട്ടുപെറ്റുപോറ്റിയിട്ടും 
ആല്‍ത്തറയില്‍ പഴുത്തുപൊട്ടി 
പുഴുവരിച്ചുചത്ത 
ഇച്ചേയിയമ്മനേം
 നമ്പീശന്മാമ നുള്ളി നുള്ളി ചോപ്പിച്ച
 അമ്മുണ്ണീച്ചീന്റെ കുഞ്ഞു ഇഞ്ഞിഞ്ഞേം
 കണ്ടതോണ്ടാവും
 ന്റെ തമ്പാട്ടി  
കുഞ്ഞിലേ പൊട്ടനായി പോയത്

ഒരു കാലത്തും
 ഒന്നും കാണേല്ല്യ....
           കേക്കേംല്ല്യ ...
        
          മിണ്ടേംല്ല്യ....



*തമ്പാട്ടി : ദൈവം 


അക്ഷരത്തെറ്റുകള്‍

ചിലവ,
ഒളിച്ചു കളിക്കുന്ന 
ഒരു കുട്ടിയുടെ 
ലാഘവത്തോടെ 
ആരുടെ കണ്ണിലുംപെടാതെ, 
ശരികളായി തന്നെ 
വായിക്കപ്പെടുന്നവ

ചിലതുണ്ട്,
മായച്ചുകളഞ്ഞാലും
 തെറ്റിയെഴുതിയതിന്റെ 
അടയാളത്തില്‍
 ജീവിക്കുന്നവ

വേറെ ചിലത്, 
എത്ര തിരുത്തിയാലും 
തെറ്റിതന്നെ 
എഴുതിപോകുന്നത്. 
അതങ്ങിനെ 
തെറ്റിക്കിടന്നാലേ 
ഒരു ചേലുണ്ടാവൂ  എന്നു 
തോന്നിപോകും

അവസാനത്തെ കൂട്ടര്‍, 
എപ്പോഴെടുത്തു 
മറിച്ചുനോക്കുമ്പൊഴും ,
 കാഴ്ചയെയങ്ങിനെ 
കൊത്തിവലിച്ച്,..
ആഴത്തില്‍ നോവുന്നവ..