Wednesday, March 5, 2014

ഇത് വരേയ്ക്കും എഴുതാത്ത 
ഒരു കത്തുണ്ടെടോ നിനക്ക് തരാൻ .
ഇനിയും പോസ്റ്റ്‌ ചെയ്യാത്ത ഒന്ന് . 


കാറ്റ് പോലെ ഇടയ്ക്കിടയ്ക് 
ചോദിക്കാതെ വരുന്ന 
പനിചൂടിൽ പിറുപിറുക്കുന്നതും 
വിഷാദം പൂക്കുമ്പോൾ 
തേങ്ങികരയുന്നതും
പാതിരാത്രിയ്ക്കൊരു 
നിമിഷത്തിന്റെ ഭ്രാന്തിൽ 
പാടുന്ന കവിതയും 
എല്ലാം... എല്ലാം 
നീല കടലാസിലെയ്ക്കൊപ്പാറുണ്ട്  ഞാൻ 
നിന്റെ മേൽവിലാസത്തിലെയ്ക്കായ്‌ ...

ഇനിയുള്ളത്   എന്റെ പ്രണയമാണ് 
എത്ര ആഴത്തിൽ നീന്തിയാലും 
അകം കാണാനാവാത്ത ,
മഷി പടർന്നു കുതിർന്നു പിഞ്ഞിയ 
ഒരു നീല കടലാസ്.
അതിൽ .....

അതിലെന്തെഴുതാനാണ്  ഞാൻ ?!


1 comment: