ആന റാഞ്ചി പക്ഷിയുടെ തൂവലിനെ കുറിച്ചായിരുന്നു 

നാം ആദ്യമായി കലഹിച്ചത് 

പിന്നെ നീല ഞരമ്പിന്റെ വേദനയെ ചൊല്ലി 

നിലാവിന്റെ നിറത്തെ ചൊല്ലി ..

ശംഖു പുഷ്പത്തിന്റെ ഇതളുകൾ .....

കാറ്റിനോട് എനിക്കുള്ള രഹസ്യ പ്രണയം.. 

ഒറ്റാലിൽ പെടാതെ പോയ പോടി മീനുകൾ .

മഴയുടെ പിതൃത്വം ...

അങ്ങിനെയങ്ങിനെ എത്ര നാം കലഹിച്ചുു .!

തീർത്തതും തോര്ന്നതും 

ഇനിയും ബാക്കി  വച്ചതും

എത്രയുണ്ടെന്നൊന്നു എണ്ണി  നോക്കണം 

എന്റെതും നിന്റെതും (ഞാനും നീയും ) 

എന്തോരം പിഴച്ചു (പൊറുത്തു ) എന്ന് അപ്പോഴറിയാം....