Friday, March 6, 2015

നാളെയുടെ കഥ


പണ്ടു പണ്ടു പണ്ട് ഒരിടത്തൊരിടത്തൊരിടത്ത് ഒരു കഥയുണ്ടായിരുന്നു. ആ കഥ കേള്‍ക്കാന്‍ കൊതിച്ചു കൊതിച്ചിരുന്ന ഒരു കുട്ടിയും.

കാതുകൂര്‍പ്പിച്ച് കണ്ണുമിഴിച്ച് കഥകേള്‍ക്കാന്‍ കുട്ടി വരുമ്പൊഴൊക്കെ കഥ പറയും, "ആ.... ഇന്നിനി വയ്യ നാളെയാകട്ടെ "

"സാരല്ല്യ , ഇന്നില്ല്യെങ്കിലെന്താ നാളെയുണ്ടല്ലോ..."  കുട്ടി സന്തോഷത്തോടെ കിടന്നുറങ്ങും. അപ്പൊള്‍ കഥ പതിയെ പതിയെ കുട്ടീടെ സ്വപ്നത്തില്‍ വരും എന്നിട്ട് ചെവിയില്‍ മന്ത്രിയ്ക്കും .. " നാളെ.." .

"എന്നിട്ട് ?? "

"എന്നിട്ടോ.. 
   ആ.... എന്നിട്ട് രാവിലെ കുട്ടി  എഴുന്നേല്‍ക്കുമ്പൊ എന്താവും?, ഇന്നായില്ല്യേ...
ഇനി നാളെ നാളെയല്ലേ ...!   :)  

അപ്പൊ ബാക്കി കഥ നാളെ.." 

3 comments: